N'eus ket tu ober ur gêr vrav eus ar gêr wenn diouzh ur gwel. Talvezout a ra bezañ sellet a-dostoc'h avat. Ma sav c'hoant ganeoc'h da vont da staliaoua start, blazata meskl er porzh, da vont da zizoleiñ an eoullistri pe diskoachañ an tavarnioù ma vez sonet alies c'hoazh e vioc'h dic'hoantet. Na dremenit ket hebiou Océanopolis, ur mirdi-mor hag a voem ken ar re yaouank, ken ar re gozh. Teir lodenn a ya d'ober ar bed danvor : trovanel, pennahelel ha kerreizh, pep hini herberc'hiet en ur c'hrenndi ma vez chomet da gompren e loened ha struzh an doneier. E-leizh a ditouroù a-zivout ar mor, ar mare-mor, ar merdeerezh ha kement zo a vo kinniget deoc'h. Damant eo ez eo e galleg peurgetket an titouroù ; n'eur ket evit tremen hep e welout avat. Ur penndevezh e ranker steuñviñ da vihanañ evit ma talvezfe ar boan.

E kostezioù Brest ez eus un toullad mat a valeadennoù d'ober ivez. En hanternoz emañ Rosko, ur gêr he forzh brav-dispar ha dudius. Unan eus ar fromusañ gwenodenn-aod eo an hent a gas da Gonk-Leon, adalek Porsal. Aleno e kaso deoc'h a-hed an aod ur gaer a wenodenn-vale betek beg Lokmazhe gant e dour-tan, dismantroù an abati hag e weloù kaer ouzh ar mor bras.