Ne dalv ket lavarout e tarempredan hag e plij bras din ar gourenez a-hed ar bloaz. En hañv hag e digor an diskaramzer eo hegoulz mont da gouronkañ hag ober sportoù dour ha belo a bep seurt, kenkadennoù e-barzh. Gwellañ koulz-bloaz eo an hañv evit vakansiñ gant bugaligoù. Er c'hontrol d'ar c'hlichedoù a dro en-dro d'ar glav e ranker menegiñ eo bet heoliet kenañ ha tommoc'h evit ar c'heitadoù rannvloaziat zoken an daoù hañv tremenet.

N'eus netra par da zilost an diskaramzer pe d'ar goañv avat da gement hini a fell dezhañ sellout a-dost nerzh ha kaerentez marzhus ar mor. Oc'h en em harpañ ouzh an avel-stourm, o chom a-sav war un tornaod beg Penn Hir, an taolioù-mor o tarzhañ ouzh ar c'herreg, e vever a-dra-sur un taol arnod meurdezus. Buhezadur-mañ ar mor, a vez bevet er goañv peurgetket, a zedenno ar re a fell dezho bezañ a-unan gantañ. Dizaliet eo d'an amourouzien an amzer vrav neuze. Brudet eo ar goañv evit ar c'hementad bras a c'hlav a vez bepred, pe vefe ar stufagn e doare pa vije graet gant un difruer pe un tepidariom ramz, pe vefe glavadennoù o foetañ an dremm e-giz delioù pin. Neblec'h all n'em eus gallet anavezout ha prizañ un hevelep liesseurted e-keñver ar glav. Devezhiennoù fraezh a vez er goañv ma gemer an oabl a-us d'ar mor bras tarzhadoù sklêrijenn pastel eus ar c'haerañ. Moarvat e vez gwelet en amzer-se bravañ kuzhoù-heol ar bloaz. Ur ral e vez ar wrez izeloc'h eget mann abalamour d'ar Gulf Stream ha ne vez ket yen ar goañv, fresk ne lavaran ket. An izelamzer a glot gwelloc'h gant an dud emvastus, pa vez serr ar bras eus ar pretioù ha tiez-krampouezh er mare-se. Sioul kenañ eo ar gourenez e-kreiz ar goañv, dibaot bras an douristed ha lañsus ar blegenn evit distreiñ da vammenn an natur ha dont e darempred gant tud ar vro.